Legenda Abbreviazioni | Legenda Simboli

aprentziàre , vrb: apressai, apressiai, apressiare, apretzai, apretzari, apretziai, apretziare, prejare Definizione apostivigare cantu si balet una cosa, pònnere unu valore a calecuna cosa; pònnere in càrculu e àere arrespetu (foedhandho de gente); dimandhare unu praxere; brindhare po o a calecuna cosa Sinonimi e contrari perisciare | ctr. ilzenzare, menispresiare Frasi custu mi serbit po apressai mélgius s'òpera ◊ eus fatu apretzari su dannu chi ant fatu in s'ortu ◊ totu su chi as fatu su meri dhu fait apretzai e ti dhu pagat 2. como ses de sa bidha s'istrallera chi neune ti tet apretziare! (A.Puddu)◊ poesia díliga e ondrada de música, sa sua, apretziada in cuss'ora dae unu pópulu intreu Etimo spn. Traduzioni Francese estimer Inglese to appreciate Spagnolo apreciar Italiano apprezzare, stimare Tedesco schätzen.

avalorài , vrb: avalorare Definizione betare o pònnere su prétziu, giare prus valore, importu, càrculu, pigare prus valore, prus capacidades Sinonimi e contrari | ctr. ibbalorie Modi di dire csn: a. is dannus = perissiare; avalorai sa fidi = crèschere, afortire sa fide (in Deus) Frasi cantu dh'ant avalorada cussa domu noa? ◊ su trabballu chi fait sa fémina in domu no est avalorau ◊ pitzinnu de virtude e de talentu, podiat sa famíglia avalorare ◊ sos poetas avalorant de onore sa Saldigna ◊ sa vena poética sua istesit avalorada dae s'ischire de pinna e de líteras Traduzioni Francese mettre en valeur Inglese to appreciate Spagnolo valorar Italiano valutare, valorizzare Tedesco schätzen, aufwerten.

calculài, calculàre , vrb: carculare, craculai Definizione pònnere in contu, crèdere o cunsiderare de importu; fàere contos, càrculos matemàticos Sinonimi e contrari cunciberare, sumari / computai, contae, contizare Frasi nemos lu càlculat, a isse, siscuru! ◊ ita est, fémina de craculai cussa puru?! ◊ a s'amigu chi méritat istima devias nessi a isse calculare (A.Casula)◊ intendho chi sos babbais sunt fatendhe a litru intreu: ite ministros de Deu los cherides calculare?! ◊ un'ómine non las càrculat nemmancu, custas istralleras, antzis bi gruspit a supra ◊ a mei no m'iat a èssiri craculau mai nemus Etimo itl. Traduzioni Francese estimer Inglese to appreciate Spagnolo calcular, estimar Italiano apprezzare, calcolare Tedesco schätzen, berechnen.

«« Cerca di nuovo